İsrail bölmələrinə gecə hücumunun qarşısı alındı

İsrailin Müdafiə Ordusu ŞABAK və Təhlükəsizlik Şurasının rəhbərliyi altında HƏMAS-ın Şimal briqadasının snayper bölməsinin komandiri Məhəmməd Kaxlotu, Noxbanın bölük komandiri Əhməd Musanı, Qərbi Cabaliyanın manqa komandiri Ömər Əlxandini zərərsizləşdirib.

Bu barədə ölkə mətbuatı məlumat yayıb. Bildirilib ki, keçmiş bölük komandiri Əhməd Musa son zamanlar İsrail Ordusunun Qərbi Cabaliya rayonundakı qüvvələrinə qarşı hücumlara başçılıq edib.

Eyni zamanda qeyd olunub ki, noyabrın 10-da gecə saatlarında İsrail Ordusunun mövqelərinə HƏMAS hərbi qruplaşmasının 19 döyüşçüsü hücum edib. Onlar da İsrail Müdafiə Qüvvələri tərəfindən məhv edilib.