İsrail əsgərlərinə gizli hücum | MOSSAD-la bağlı qalmaqallı hadisənin detalları

18 iyun 2025 337 baxış

İran İslam İnqilabı Keşikçiləri Korpusunun kəşfiyyat xidmətləri Luristan vilayətində "Mossad"la əlaqəli beş nəfəri casusluqda ittiham edərək həbs edib.

Şübhəli şəxslərin bəzi şəhərlərdə İsrailin kəşfiyyat xidmətinin tapşırıqlarını yerinə yetirməyə çalışdıqları iddia olunur.

Bundan əlavə, İran hüquq-mühafizə orqanlarının əməkdaşları Tehranın cənubunda yerləşən Rey şəhərində naməlum qrup tərəfindən planlaşdırılan bir sıra terror aktının qarşısını alıb.

Qeyd olunub ki, polislər "Mossad"la əlaqəli olduğu ehtimal edilən silahlı qruplaşmaya qarşı da əməliyyat keçiriblər. Nəticədə mövcud təhlükələr aradan qaldırılıb.

“The Times of İsrail” agentliyindən isə bildirilib ki, iyunun 17-dən 18-ə keçən gecə bıçaqla silahlanmış bir fələstinli İordan çayının qərb sahilindəki kənddə əsgərləri bıçaqlamağa və onların silahlarını oğurlamağa cəhd edib. İsrail Müdafiə Qüvvələri şübhəlini zərərsizləşdirib.

#Mossad