İsrail İranın bu şəhərlərini yerlə-yeksan etdi | Sarsıdıcı hücumların detalları

İsrailin İranın mərkəzi əyalətinin Xomeyn şəhərinə endirdiyi zərbələr nəticəsində İslam İnqilabı Keşikçiləri Korpusunun azı səkkiz əsgəri həlak olub.

Bu barədə yerli media məlumat yayıb.

Eyni zamanda paytaxt Tehranın qərbində yerləşən hərbi qarnizon da hücuma məruz qalıb. İtki və dağıntı barədə məlumat yoxdur.

Növbəti hədəf Təbrizdəki hava limanı olub. Lakin bu cəhd uğursuzluqla nəticələnib.

"Hücum Hava Hücumundan Müdafiə qüvvələri tərəfindən uğurla dəf edilib", ‒ deyə yazıda vurğulanıb.

Hazırda şəhərdə vəziyyət hüquq-mühafizə orqanlarının nəzarəti altındadır.

Bu arada İsrailin Müdafiə Ordusu Tehrana yeni zərbə endirəcəyini elan edib. Bu barədə Ordunun mətbuat xidməti məlumat yayıb.

"Hörmətli sakinlər, təhlükəsizliyiniz üçün sizdən göstərilən əraziləri tərk etməyinizi xahiş edirik", ‒ İsrail Müdafiə Ordusunun farsdilli nümayəndəsi Kamal Penhasi bildirib.

K.Penhasi vurğulayıb ki, yaxın saatlarda İsrailin Müdafiə Ordusu İranın hərbi infrastrukturuna zərbə endirəcək.