İsrail Müdafiə Qüvvələri Natanzdakı nüvə obyektlərini vurdu

İsrail Müdafiə Qüvvələri İran Hərbi Hava Qüvvələrinin "Həmdam" və "Təbriz" hərbi bazalarına hücum edib. Həmçinin onlarla hava hücumundan müdafiə obyektini, o cümlədən PUA və raket buraxılış qurğularını məhv edib.

Bu barədə İsrail Ordusunun Mətbuat Xidməti məlumat yayıb. Qeyd olunub ki, İranın onlarla hava hücumundan müdafiə obyekti, pilotsuz uçan aparatları və yer-yer raket buraxılış qurğuları da vurulub.

Bu arada, İranın Natanz şəhərində yerləşən nüvə obyektlərində radioloji və kimyəvi çirklənmə aşkar edilib. Bu barədə Beynəlxalq Atom Enerjisi Agentliyinin baş direktoru Rafael Qrossi məlumat verib.

“Beynəlxalq Atom Enerjisi Agentliyi nüvə qurğularının tam qorunmasını təmin etmək və onların sülh məqsədləri üçün istifadəsini davam etdirmək üçün İrana ekspertlər göndərməyə hazırdır. Nüvə obyektləri heç vaxt hücuma məruz qalmamalıdır”, – o qeyd edib.

Qrossi vəziyyəti qiymətləndirmək və təhlükəsizliyi təmin etmək üçün mümkün qədər tez İrana səfər etməyə hazır olduğunu bildirib.