İsrail Ordusu Qəzzada quru əməliyyatlarına başladı | Son sutka ərzindəki zərbələr

İsrail ordusu Qəzzada quru əməliyyatlarını bərpa edib.

Bu barədə ordunun mətbuat xidmətindən bildirilib.

Qeyd edilib ki, İsrail tərəfi yenidən anklavın mərkəzindəki Nesarim dəhlizini nəzarətə götürüb.

“Müdafiə zonasını genişləndirmək və zolağın şimalı ilə cənubu arasında xətt yaratmaq məqsədilə Qəzzada məhdud quru əməliyyatına başladıq”, – deyə məlumatda bildirilib.

İsrail Müdafiə Qüvvələrinin son 24 saat ərzində Qəzza zolağında hədəflərə endirdiyi zərbələr nəticəsində HƏMAS-ın iki lideri öldürülüb.

“Son sutka ərzində endirilən zərbələr zamanı ordu HƏMAS-ın siyasi bürosunda təhlükəsizlik naziri vəzifəsində çalışmış və terror təşkilatının icra komitəsində inkişaf naziri olmuş terrorçu Yasir Hərb Musanı, həmçinin HƏMAS terror təşkilatının Qəzzadakı fövqəladə komitəsinin sədri, həmçinin siyasi büroda mühüm vəzifələrdə çalışmış terrorçu Məhəmməd Camatsini öldürüb”, – deyə bəyanatda bildirilir.