İsrail Ordusu yenə hərəkətə keçir | Əməliyyat barədə detallar

20 avqust 2025 354 baxış

İsrailin müdafiə naziri İsrael Kats Ordusunun Qəzza şəhərinə hücum planını təsdiqləyib.

"Gideonun arabaları B" adlı plana əsasən, yaxın günlərdə 60 min ehtiyat hərbçi Orduya çağırılacaq.

Əməliyyatın əsas məqsədləri HƏMAS-ın tərk-silahı, girovların azad olunması və Qəzzada yeni yerli idarəetmənin qurulmasıdır. İsrailin Təhlükəsizlik Kabineti planı təsdiqləyib.

Eyni zamanda HƏMAS-ın təqdim etdiyi 60 günlük atəşkəs təklifi İsrail tərəfindən nəzərdən keçirilir, lakin girovların azad olunması və HƏMAS-ın silahsızlaşdırılması tələbləri hələ də əsas şərt olaraq qalır.

İsrailin Müdafiə Nazirliyindən bildirilib ki, İ.Kats hökumətin hərbi qüvvələrə Qəzza şəhərini ələ keçirməyi tapşırmasından sonra keçirilən görüş zamanı İsrail Müdafiə Qüvvələrinin planını və hazırlığını yüksək qiymətləndirib.

Müdafiə naziri həmçinin Qəzza şəhərindən anklavın cənubuna köçürülməli olan təxminən bir milyon fələstinli üçün humanitar hazırlığın aparıldığını təsdiqləyib.

#İsrail Müdafiə Nazirliyi