Pleyeri seçin:
İsrail Qəzzada 150 hədəfə zərbələr endirdi
İsrailin Hərbi Hava Qüvvələri gün ərzində bütün Qəzza zolağına zərbələr endirməyə davam edib.
Bu barədə ordunun mətbuat xidməti məlumat yayıb.
Bildirilib ki, 150-dən çox hədəfə hücum edilib. Onların arasında minalanmış sahələr, silah anbarları, tank əleyhinə və snayper atəşi üçün mövqelər, digər hərbi infrastruktur obyektləri, eləcə də ayrı-ayrı silahlı qruplaşmalar olub.
Vurğulanıb ki, anklavın Xan-Yunis və Beyt Hanun şəhərləri ərazisində aktiv döyüşlər aparılıb. Bir çox silahlı zərərsizləşdirilib, onların hərbi infrastrukturu məhv edilib.
Qeyd edək ki, 2023-cü ilin oktyabrından bu yana Qəzza zolağında İsrailin zərbələri nəticəsində 58 mindən çox insan həlak olub. Fələstinin Səhiyyə Nazirliyinin yaydığı bəyanata görə, 138 mindən çox insan isə yaralanıb.
Kopyalandı
