İsrail və Fələstin son itkilərini açıqladı: dəhşətli statistika

HƏMAS-ın İsrailə hücumu nəticəsində ölənlərin sayı 1300-ə çatıb, 3 mindən çox yaralı var. Onlardan 28-i çox ağır, 350-si isə ağır vəziyyətdədir.

Bu barədə “The Times of Israel” məlumat yayıb. Bildirilib ki, İsrail hərbçiləri arasında ölənlərin sayı 170-ə çatıb. Aralarında xarici vətəndaşlar da var. Eyni zamanda, HƏMAS-ın 150 nəfəri girov götürdüyü açıqlanıb.

İsrailin Qəzza zolağına endirdiyi cavab zərbələri nəticəsində həlak olan fələstinlilərin sayı isə 1200-ü keçib, 5700 şəxs isə yaralanıb. Bu barədə Fələstinin Səhiyyə Nazirliyi məlumat verib.

Əlavə olunub ki, Qəzza zolağının Səhiyyə Nazirliyinin xəstəxanalarında boş çarpayılar qalmayıb və tibbi istehlak materialları tükənib.

Qeyd edək ki, Yaxın Şərqdə vəziyyətin gərginləşməsi oktyabrın 7-də HƏMAS radikal hərəkatının Qəzza zolağından İsrailə hücumundan sonra başlayıb.