İsrail yeni video yaydı: Xəstəxananı "İslami Cihad" vurub
Oktyabrın 17-də Qəzza zolağında yerləşən xəstəxanaların birində güclü partlayış baş verdi. Hadisə nəticəsində 500-dən çox fələstinli həlak olub.
Qəzzada HƏMAS-ın idarə etdiyi hökumətin səhiyyə naziri hücuma görə İsraili ittiham edir. Fələstin səhiyyə orqanları da partlayışa görə İsraili günahlandırır.
Əl-Əhli Baptist xəstəxanasındakı partlayışa görə məsuliyyəti rədd edən İsrail tərəfi isə binanın İslami Cihad hərbi qruplaşmasının uğursuz raket atışı ilə vurulduğunu açıqlayıb.
“İsrail Ordusunun əməliyyat sistemlərinin təhlili göstərir ki, Qəzzada terrorçular tərəfindən raket zərbələri endirilən zaman Qəzzadakı Əl-Əhli xəstəxanasının yaxınlığından keçib”, – deyə İsrail Müdafiə Qüvvələrinin sözçüsü bildirib.
İsrailin Baş naziri Benyamin Netanyahu da xəstəxanaya edilən hücumda İsrail hərbçilərinin əli olması ilə bağlı iddiaları rədd edib. Tibb müəssisəsinə barbar terrorçuların hücum etdiyini deyib.
Bir sözlə, iddiaları yalanlayan İsrail tərəfi sübut üçün peyk görüntüləri də yayımlayıb. İsrail Ordusu qeyd edib ki, aviasiya bombası və ya raketlə havadan zərbə endirilən zaman sursatın düşdüyü ərazidə 7-19 metr diametrdə krater əmələ gəlir.
Videoda xəstəxananın vurulmasından əvvəl və sonrakı görüntülər öz əksini tapıb, ərazidə aviazərbə nəticəsində kraterin yaranmadığı göstərilib.
![icon](/images/loading.png)