İsraildən Livanın cənubunda gözlənilməz əməliyyat | Ağır zərbələr endirildi

02 dekabr 2024 236 baxış

İsrail Müdafiə Ordusu Livanla 60 günlük atəşkəs razılaşmasına baxmayaraq, “Hizbullah” hərbi qruplaşmasının hərəkətlərini bəhanə edərək 1-2 dekabr tarixlərində bölgənin cənubunda əməliyyat keçirib.

Bu barədə Ordunun “Telegram” kanalında məlumat verilib.

Məlumatda bildirilib ki, sözügedən əməliyyat çərçivəsində İsrail tərəfi “Hizbullah”ın Bekadakı raket istehsalı obyektinin ərazisindəki bir neçə hərbi nəqliyyat vasitəsini hədəf alıb.

“Suriya-Livan sərhədinə bitişik Hermel bölgəsində silah qaçaqmalçılığı üçün istifadə edilən terror infrastruktur obyektlərinə zərbələr endirilib. Çünki bunlar İsrail dövləti üçün təhlükə yaradır və atəşkəs razılaşmalarını pozurdu”, – deyə yazıda vurğulanıb.

Bununla yanaşı, Təl-Əviv Ordusu hücum zamanı yaralanan livanlı döyüşçünün vəziyyətindən xəbərdar olduqlarını və məsələnin araşdırıldığını da qeyd edib.

#İsrail Müdafiə Ordusu