İsrailə qarşı budəfəki əməliyyat... | İran səfirindən qisas anonsu

“İran hakimiyyəti HƏMAS-ın siyasi bürosunun rəhbəri İsmayıl Haniyənin ölümünə görə İsrailə lazımi anda cavab verəcək, lakin Tehranın tədbirləri apreldəki hücumlardan fərqli olacaq”.

Bunu İranın İraqdakı səfiri Məhəmməd Kazım əl-Sadiq deyib.

“Cavab parametrləri, icrası, gücü baxımından əvvəlki hərəkətlərdən fərqli olacaq. Onlar təhlükəsizlik qüvvələrinin və silahlı qüvvələrin komandirləri tərəfindən münasib vaxtda və uyğun yerdə müəyyən ediləcək”, – o bildirib.

Səfir qeyd edib ki, İranın 2024-cü il aprelin 14-də İsrailə qarşı keçirdiyi ilk “Doğru vəd” əməliyyatı güc nümayişi idisə, ikinci belə əməliyyat gücdən istifadə olacaq.