İsrailin İrana zərbəsinin təfərrüatı | Əsas hədəf hara oldu?

23 iyun 2025 237 baxış

İsrailin Hərbi Hava Qüvvələri Tehrana hücumlar həyata keçirib. Məlumata görə, hədəflər yalnız hərbi obyektlərdir.

İsrailin müdafiə naziri İsrael Katz deyib ki, qoşunlar hazırda Tehranın mərkəzində güc rejimi hədəfləri və hökumətin repressiya orqanlarına zərbələr endirir.

“İsrailə atılan hər raketə görə İran ciddi şəkildə cəzalandırılacaq və zərbələr tam intensivliklə davam edəcək. Biz bütün müharibə məqsədlərinə çatana qədər fəaliyyətə davam edəcəyik”, – deyə İ.Katz əlavə edib.

Qeyd edək ki, İsrailin hücum etdiyi həbsxanalardan biri siyasi məhbusların saxlanılması ilə məşhurdur. SEPAH-a məxsus obyekt də atəşə tutulub. Tehranda Qızıl Aypara Cəmiyyətinin binası və bir universitet də zərbələrə məruz qalıb. Tehranla yanaşı, İsrail Silahlı Qüvvələri İranın Kərəc şəhərinə də zərbələr endirib.

“Fars” agentliyi bildirib ki, yaşayış məntəqəsinə bir neçə raket atılıb. Hücumun nəticələri ilə bağlı məlumat dəqiqləşdirilir.

#İsrail Müdafiə Nazirliyi