İsrailin sabiq Baş nazirindən gözlənilməz açıqlama
İsrailin sabiq baş naziri Ehud Barak Qəzza zolağında yerləşən “Əl-Şifa” xəstəxanasının altındakı sığınacaqların İsrail tərəfindən inşa edildiyini bildirib.
E.Barak bu barədə CNN televiziyasına müsahibəsində deyib. Onun bu açıqlaması aparıcının təəccübünə səbəb olub.
“Buranın İsrail mühəndisləri tərəfindən inşa edildiyini deyirsiniz? Özünüzü səhv ifadə etmədiniz ki?”, – deyə jurnalist yenidən sual verib.
Cavabında isə Ehud Barak təxminən 40-50 il əvvəl tibb ocağında əməliyyatların həyata keçirilməsinə daha çox yer ayırmaq üçün kompleksin məhdud ərazisi daxilində bu sığınacaqların inşa edilməsinə kömək etdiklərini vurğulayıb.
Qeyd edək ki, İsrail hərbçiləri reydlər zamanı xəstəxananın altında 55 metr uzunluğunda möhkəmləndirilmiş zirehli qapısı olan tunel, o cümlədən odlu silahlar, rabitə vasitələri və tank əleyhinə əl qumbaralarını aşkar ediblər. SAXAL əlində “Əl-Şifa” xəstəxanasında HƏMAS-ın baş qərargahı olduğuna dair sübutların olduğunu iddia edib.
![icon](/images/loading.png)