Türkiyə və Pakistan Ər-Riyadın əsas tərəfdaşına çevrilir? - Baku TV

Pakistanın Baş naziri Məhəmməd Şahbaz Şərif Səudiyyə Ərəbistanının vəliəhdi və Baş naziri Məhəmməd bin Salman bin Əbdüləziz Al Səud ilə telefon danışığı aparıb.

Baş nazir Pakistanın husilərin Səudiyyə Ərəbistanının mülki və iqtisadi infrastrukturuna son hücumlarını qətiyyətlə pislədiyini bir daha bildirib. Husilərin əməllərinin regional sülh və təhlükəsizliyə təhdid yaratdığı, həmçinin qlobal iqtisadiyyatı və enerji təchizatını poza biləcəyi bildirilib. Gərginliyin azaldılması və regionda sülhün bərqərar olması istiqamətində səyləri davam etdirmək bir daha vurğulanıb.

Bu məqamda Səudiyyə Ərəbistanı, Türkiyə və Pakistanın avqustun 7-də imzalanmış üçtərəfli müqaviləsi yada düşür. “Məkkə Müdafiə Sazişi” adlanan sənəddə bildirilirdi ki, üç ölkədən birinə silahlı hücum bütün imza atan ölkələrə qarşı təcavüz hesab ediləcək. Həmin müqavilənin imzalanmasından sonra husilər Səudiyyə Ərəbistanına hava hücumları edir.

Müqavilə tərəfləri cavab addımları ataraq kollektiv şəkildə Səudiyyə Ərəbistanına hücum edənlərə cavab verəcəklərmi?