İsrailin XİN rəhbərindən xəbərdarlıq | Qərar dəyişməyəcək

İsrailin xarici işlər naziri İsrael Katz Birləşmiş Millətlər Təşkilatının Baş katibi Antonio Quterreşi arzuolunmaz şəxs elan etmək qərarından dönməyəcəyini bildirib.

O bu haqda “X” hesabında məlumat verib.

“A.Quterreş BMT-də dəstək üçün imza toplamağa cəhd etməyə davam edə bilər, qərar dəyişdirilməyəcək”, – deyə o bildirib.

İ.Katz əlavə edib ki, o, BMT-nin Baş katibini arzuolunmaz şəxs elan edib və İranın İsrailə raket hücumunu pisləmədiyinə görə onun İsrailə girişini qadağan edib.

Nazir həmçinin qeyd edib ki, sorğu nəticəsində İsrail ictimaiyyətinin 87 faizinin bu qərarı dəstəklədiyi məlum olub.