İsrailli diplomatdan BMT-yə dünya müharibəsi xəbərdarlığı

İsrailin BMT-dəki daimi nümayəndəsi Qilad Erdan Təhlükəsizlik Şurasının iclasında İkinci Dünya müharibəsi dövründə Almaniyada yəhudilərin məcburi şəkildə taxdığı altı guşəli sarı ulduzu pencəyinə sancaraq iştirak edib.

Həmin nişanın üzərində “bir daha heç vaxt” yazısı əks olunub. Təşkilatın ölkə üzrə təmsilçisi bir sıra ölkələri son 80 ildə heç nə öyrənməməkdə və BMT-nin yaradılma səbəbini unutmaqda ittiham edib.

Eyni zamanda o, BMT Təhlükəsizlik Şurasını İsrailə edilən hücumların qarşısında susduğu üçün tənqid edib. Diplomat özü də daxil olmaqla, nümayəndə heyətinin bütün üzvlərinin sarı ulduzdan istifadə edəcəyini vurğulayıb.

Qilad Erdanın sözlərinə görə, beynəlxalq təşkilat HƏMAS hərbi qruplaşmasının addımlarını pisləyənə və girovların azad edilməsini tələb edənə qədər onlar ulduzları taxacaqlar.