İsrailli nazir Quterreşi hədələdi | Onunla bağlı qərar dəyişə bilər?

“Biz BMT-nin Baş katibi Antonio Quterreşi “arzuolunmaz şəxs” elan etməyə və onun İsrailə girişinə qadağa qoymağa davam edəcəyik”.

Bu barədə İsrailin xarici işlər naziri İsrael Katz “X” platformasındakı paylaşımında bildirib.

“BMT-nin Baş katibi 7 oktyabr hadisələrindən sonra HƏMAS-ı terror təşkilatı elan etməkdən imtina etdiyi kimi, HƏMAS lideri Yəhya Sinvarın öldürülməsini də alqışlamadı. A.Quterreş açıq-aydın İsrailə qarşı olduğunu bildirir”, – deyə nazir vurğulayıb.

Xatırladaq ki, oktyabrın 2-də İsrail Xarici İşlər Nazirliyi BMT-nin Baş katibini “arzuolunmaz şəxs” elan edib və onun ölkəyə girişinə qadağa qoyub.