İstanbulda dəhşətli meşə yanğını təhlükə yaratdı

İstanbulun Maltəpə rayonunun Başıbüyük məhəlləsində yerli vaxtla 20:30 radələrində meşəlik ərazidə güclü yanğın başlayıb.

Görüntülərdən hadisənin geniş ərazini əhatə etdiyi məlum olur. Hələlik hadisənin hansı səbəbdən baş verdiyi bilinmir.

Yanğının qarşısını almaq üçün əraziyə xüsusi texnika, yanğınsöndürənlər və təhlükəsizlik qrupları göndərilib.

Güclü külək hadisənin qarşısını almaqda ciddi çətinliklər yaradır. Ölən və yaralananlar barədə məlumat verilməyib.

Həmçinin ərazidə müvafiq qurumlar tərəfindən təhlükəsizlik tədbirləri görülüb.