İstanbuldan böyük köç: 2,2 milyon insan şəhərdən niyə getdi?

İstanbulda yaşayan yerli türklər meqapolisi tərk edərək öz məmləkətlərinə qayıtsa da, əcnəbi vətəndaşların İstanbula köçü səngimir.

Türkiyə mediası xəbər verir ki, bu barədə danışan keçmiş millət vəkili Gürsel Tekin 7-8 ildir İstanbulda baş qaldıran mühacir probleminə diqqət çəkərək deyib ki, İstanbul yadellilərin vətəninə çevrilib.

Türkiyə Statistika Təşkilatının məlumatlarına görə, miqrasiyanın ən böyük səbəblərindən biri “yaxşı mənzil və məişət şəraiti”dir. İstanbulda Suriya və digər xarici vətəndaşların sayı isə artıb.

Gürsel Tekin vurğulayıb ki, bu köç hərəkətləri ilə İstanbulda yaşayan xarici vətəndaşların sayında ciddi artım olub. Məsələn, 200-300 il ərzində Kadıköy səmtində yaşayanların böhrana dözməyərək evlərini kirayə verdiyini və İstanbulu tərk etdiyini bildirən Tekin orta təbəqənin Çanaqqala, Balıkəsir kimi şəhərlərə yerləşdiyini bildirib.

Sabiq millət vəkili bildirib ki, yoxsulluq içində yaşayan insanların əksəriyyəti Anadoluda kənd və qəsəbələrinə gedib.

Tekin onları kim əvəz edir sualına özü cavab verib: “Öz ölkələrində varlanan Misir, Ukrayna, İran kimi ölkələrin vətəndaşları mülk əldə edərək İstanbulun mərkəzi hissələrinə köçüblər”.