İyunun 2-də Rusiya və Ukrayna nüməyəndələrinin iştirakı ilə danışıqların növbəti raundu başlayacaq

Rusiyanın nümayəndə heyəti Ukrayna ilə danışıqlarda iştirak etmək üçün təyyarə ilə Türkiyənin İstanbul şəhərinə yola düşüb.

Bu barədə "İnterfaks" danışıqların hazırlanması ilə tanış olan mənbəyə istinadən xəbər verib.

"Rusiya Federasiyası Prezidentinin köməkçisi Vladimir Medinskinin rəhbərlik etdiyi nümayəndə heyəti bazar günü günortadan sonra təyyarə ilə İstanbula çatıb", ‒ deyə agentliyin müsahibi bildirib.

Mənbə qeyd edib ki, Rusiya nümayəndə heyəti iyunun 2-də səhər saatlarında danışıqlara başlamağa hazır olacaq.

Ukraynanı isə Türkiyənin İstanbul şəhərində baş tutacaq danışıqlarda müdafiə naziri Rustem Umerov təmsil edəcək. Bu barədə Ukrayna Prezidenti Volodimir Zelenski özünün “Telegram” kanalında bildirib.

Zelenski qeyd edib ki, nümayəndə heyəti bir çox məsələləri, o cümlədən atəşkəs və məhbusların azad olunmasını müzakirə etməyi planlaşdırır.

Umerov daha əvvəl vurğulayıb ki, Kiyev Rusiya tərəfi ilə görüşün “əleyhinə deyil”, lakin başlamazdan əvvəl Moskvadan memorandum gözləyir.