Dünya
Pleyeri seçin:
Japarovdan Blinkenə gözlənilməz cavab | Ölkələr arasında xaos yarandı?
Qırğız Respublikasının Prezidenti Sadır Japarov Vaşinqtonun və digər ölkələrin hökumətlərini respublikanın daxili işlərinə qarışmamağa çağırıb.
Yerli medianın məlumatına görə, bu barədə S.Japarovun ABŞ-nin dövlət katibi Entoni Blinkenə cavab məktubunda bildirilib. Qeyd olunub ki, Bişkek bərabərhüquqlu əməkdaşlığı dəstəkləyir və Ağ Ev də daxil olmaqla bütün ölkə və beynəlxalq tərəfdaşlarla işləməyə hazırdır.
“Mənim yeganə xahişim ölkəmizin daxili işlərinə qarışmamağınızdır”, – deyə S.Japarovun E.Blinkenə göndərdiyi sənəddə yazılıb.
Qeyd edək ki, bundan əvvəl E.Blinken S.Japarova məktub ünvanlayaraq Qırğız Respublikasının parlamenti tərəfindən “Qeyri-kommersiya təşkilatları” barədə qanuna düzəlişlərin nəzərdən keçirilməsindən narahatlığını ifadə edib. Sözügedən düzəlişlərə əsasən, bu cür təşkilatlar siyasi fəaliyyətlə məşğul olarsa və xaricdən maliyyələşərsə, xarici nümayəndə statusu alacaq və xüsusi reyestrə daxil ediləcəklər.
Kopyalandı
Seçilmişlər
