Kanadadakı yanğının tüstüsü ABŞ-yə yayılıb

Kanadada 1025 meşə yanğını qeydə alıb, yanan ərazilərin sahəsi 13 milyon hektara çatıb.

Bu barədə Kanada İdarələrarası Meşə Yanğınları Mərkəzi məlumat yayıb.

İyulun sonuna meşə yanğınlarının sayı 991 olub. Hazırda 1025 ocaqdan 646-sı hələ də nəzarətə götürülməyib, 167-nin qarşısı alınıb, 212-si isə lokallaşdırılıb. Ən çox meşə yanğınları Britaniya Kolumbiyası əyalətində qeydə alınıb.

Bundan əvvəl təbii fəlakətlə mübarizə zamanı iki yanğınsöndürən həlak olub.