Kanadanın Baş naziri od püskürdü | ABŞ rüsum tətbiq etsə...

ABŞ ilə Kanada arasında gərginlik durmadan artır.

Kanadanın Baş naziri Castin Trüdo jurnalistlərə açıqlamasında bildirib ki, ABŞ administrasiyası Kanada mallarına rüsum tətbiq etsə, onlar da cavab tədbirləri görəcəklər.

Bu qərarı ədalətsiz adlandırıb və əlavə edib ki, əgər ABŞ bu fikrini qanuniləşdirərsə, o zaman Kanada ABŞ mallarına 155 milyard dollar, yəni 25% rüsumla cavab verəcək.

Belə bir bəyanatın ardından ölkənin xarici işlər naziri Melani Coli də bildirib ki, Kanada ABŞ ilə ticarət müharibəsinə hazırdır.

Baş verənlərin fonunda Trampın qərarının əleyhinə çıxan kanadalılar etiraza başlayıb.

Qeyd edək ki, martın 4-də ABŞ administrasiyası Kanada, Çin və Meksikadan gələn bütün idxal mallarına 25% rüsum tətbiq edəcəyini açıqlayıb.

Meksikanın da ABŞ-yə cavabı gecikməyib. Ölkə prezidenti Klaudiya Şeynbaum ABŞ-nin rüsum qərarına cavab olaraq hökumətə Meksikanın maraqlarını qorumaq üçün rüsum və qeyri-rüsum tədbirlərini əhatə edən “B Planı”nı həyata keçirməyi tapşırıb.

Rüsumlarla bağlı digər detallar hələ açıqlanmayıb.