Karlson şəxsi söhbətin təfərrüatlarını açıqladı | Putin demokrat deyil, Rusiya isə…

Amerikalı jurnalist Taker Karlson “The Wall Street Journal” qəzetinə bu ilin fevralında Rusiya Prezidenti Vladimir Putindən götürdüyü müsahibədən sonra onunla şəxsi söhbəti haqda danışıb.

T.Karlsonun sözlərinə görə, o, Rusiya Federasiyasının rəhbəri ilə “çəkiliş qrupundan və mühafizəçilərdən uzaqda” danışa bilib.

Jurnalist V.Putinin Ukraynadakı münaqişənin nüvə savaşına çevrilməsi perspektivindən narahat olduğunu bildirib. Prezident həmçinin 2022-ci ilin fevralından sonra ABŞ Prezidenti Co Baydenlə əlaqə saxlaya bilməməsindən məyus olduğunu bildirib.

Bundan əlavə, V.Putin bəyan edib ki, Amerika Administrasiyasında “Ukraynada kökləri olan” və sülh səylərinə mane olan adamlar var.

WSJ ilə söhbətində T.Karlson qeyd edib ki, V.Putin demokrat deyil, Rusiya isə “böyük qəddarlığa qadir olan avtoritar ölkədir”. Eyni zamanda o hesab edir ki, Ukraynada hərbi əməliyyatlar qonşu ölkənin NATO-ya daxil olması perspektivlərinə görə başlayıb və Rusiyanı buna “itələyən” ABŞ-nin mövqeyi olub.