Keçmiş ofis rəhbəri Arestoviç Ukrayna himnini təhqir etdi

“Ukraynanın himni milli fəlakət mənbəyidir”.

Bunu Ukrayna Prezident Ofisi rəhbərinin keçmiş müşaviri Aleksiy Arestoviç yutub kanalında yayımladığı son müsahibələrindən birində bildirib.

Onun sözlərinə görə, dövlət himnində olduqca maraqlı sətirlər var: ““Azadlığımız üçün ruhumuzu və bədənimizi qurban verəcəyik”. Mənə deyin, himnimizdə konstruktivlik, sosial mühəndislik varmı? “Qələbə”dən sonra dünyada nələr baş verəcək? “Bədəni və ruhu qoyacağıq…” Sonra nə olacaq? Ölənə qədər döyüşəcəyik?”, - deyə A.Arestoviç qəzəbli formada fikirlərini sonlandırıb.

Keçmiş müşavir “ruhumuzu və bədənimizi qoyaq” ifadəsini şərh edərkən ukraynalıların heç də hamısının ölənə qədər döyüşməyə hazır olmadığına əminliyini ifadə edib. O vurğulayıb ki, bu halda Ukrayna üçün milli ölüm və fəlakət təhlükəsi yaranır.

Qeyd edək ki, A.Arestoviç bir müddət öncə vəzifəsindən istefa edib.