Dünya
Pleyeri seçin:
Kəndə köçənlərə 60 min dollar veriləcək
İsveçrə hökuməti Albinen kəndinə yaşamaq üçün köçənlərə 60 min dollar ödəyəcəyini vəd edib. Rəsmilər bu yolla kənddəki əhali sayının azalmasının qarşısını almağa ümid edirlər.
Alp dağlarında 1300 metr yüksəklikdə yerləşən kənd tədricən yox olmaq təhlükəsi ilə üz-üzədir. Yerli əhali İsveçrənin digər böyük şəhərlərinə köç etməyə başlayır. 2020-ci ilin sonunda siyahıyaalma aparılarkən kənddə cəmi 243 nəfər yaşayırdısa, indi bu rəqəm daha da azdır.
Bununla belə köçmə subsidiyasını almaq istəyənlər qarşısında bir sıra tələblər var. Proqramda yalnız 45 yaşdan kiçik vətəndaşlar iştirak edə bilər, həmçinin İsveçrə vətəndaşlığı və ya yaşayış icazəsi də tələb olunur.
Bundan əlavə, köç edənlər kənddə ən azı 216 min dollar dəyərində ev tikməli və 10 il ərzində Albinendə yaşamalıdırlar, əks halda ödəniş geri qaytarılmalıdır.
Kopyalandı
Seçilmişlər
