Kəskin ucuzlaşmanın səbəbləri | Kriptovalyuta bazarında yenidən bahalaşma olacaq? - Baku TV
Donald Trampın kriptovalyuta ilə bağlı seçkiqabağı və yeni prezident seçiləndən sonrakı çıxışları bu bazarda ciddi canlanma yaratsa da, son günlərdə qiymətlərdə kəskin enmə müşahidə edilir.
“Binance” platformasında təkcə “Bitcoin” son 90 gündə 30 faizdən çox ucuzlaşıb. Ümumilikdə isə hazırda bu kriptovalyutanın qiyməti 2025-ci ildə müşahidə edilmiş ən yüksək həddən 45 faiz aşağıdır.
Maraqlıdır, kriptovalyutaların, o cümlədən “Bitcoin”in kəskin ucuzlaşması nə ilə bağlıdır? D.Trampın bununla bağlı siyasəti dəyişib, yoxsa burada başqa amillər var?
İqtisadçı Xalid Kərimli deyir ki, ABŞ Federal Ehtiyatlar Sisteminin mövqeyinin zəifləyəcəyi ilə bağlı gözləntilərin özünü doğrultmaması kriptovalyutaların qiymətinə təsir edir.
Ekspert hesab edir ki, Donald Trampın qurumun rəhbərliyinə Kevin Vorş kimi sərt və bazar müdaxilələrinə açıq yanaşan şəxsin namizədliyini elan etməsi dolların faiz dərəcəsinin sürətli azalacağı ilə bağlı təxminləri aradan qaldırıb. Bu da kriptovalyutaların dolların ucuzlaşmasının təsirlərindən sığortalayan alətə çevrilməsinə imkan yaratmır və investorlar bu vasitələri sürətlə satmağa başlayıblar.
Ucuzlaşmanın davam edəcəyi təxmin edilsə də, qiymətlərin yenidən artacağı ilə bağlı gözləntilər də az deyil. Hesab edilir ki, qiymətlərin kəskin enməsi alışları artıra bilər ki, bu da kriptovalyutaların yenidən bahalaşmasına gətirib çıxaracaq.
#ABŞ teqi istifadə olunub
- “Rusiyanın İrana hərbi dəstəyi barədə məsələ qaldırılmayıb” | “Foreign Affairs”
- Tramp avropalı müttəfiqlərinə təzyiqi artırır: NATO-nu pis gələcək gözləyir - AKTUAL GÜNDƏM
- Vaşinqtonun Hörmüz boğazı ilə bağlı kritik istəyi nədir? - Baku TV
- Müctəba Xamenei sağdırsa, ağıllı addım atmalıdır | Donald Tramp - Baku TV
- Tramp Hörmüz boğazı ilə bağlı nələri planlaşdırır? - Baku TV
