Kim Çen In hökuməti beynəlxalq qadağalara məhəl qoymur?

Oktyabrın 22-də Şimali Koreya bir neçə yaxınmənzilli ballistik raketin sınağını həyata keçirib.

Bu barədə Cənubi Koreyanın Müdafiə Nazirliyi məlumat yayıb.

Raket buraxılışları Asiya‒Sakit okean regionunun liderlərinin Cənubi Koreyada nəzərdə tutulan görüşündən öncə həyata keçirilib. Bu raket buraxılışı Pxenyanın 2025-ci ilin may ayından sonra ilk sınaqları kimi qeyd olunur.

Kim Çen In hökumətinin beynəlxalq qadağalara qarşı çıxdığı vurğulanır.

Qeyd edək ki, oktyabrın sonu, noyabrın əvvəlində Seulda Cənubi Koreya və ABŞ prezidentlərinin görüşü planlaşdırılır. Donald Tramp da Asiya‒Sakit okean iqtisadi əməkdaşlıq sammitinə qatılacaq. Sammit çərçivəsində ABŞ Prezidenti Donald Trampın Çin lideri Si Cinpinlə də görüşü nəzərdə tutulub.

O ki qaldı Şimali Koreyanın raket buraxılışına, Cənubi Koreyanın müvafiq orqanları sınaqlardan sonra sursat qalıqları aşkarlayıb.