Kitabı 105 il sonra qaytardı, 14 min dollarlıq cərimə ödəməlidir

ABŞ-nin Kolorado ştatında maraqlı hadisə baş verib.

Belə ki, Valter Skottun müəllifi olduğu və 1919-cu ildən yoxa çıxan məşhur "Ayvenqo" romanı 105 ildən sonra Kolorado kitabxanasına qaytarılıb.

Araşdırmalar nəticəsində məlum olub ki, o dövrdə işləyən kitabxana işçisi romanı oxumaq üçün götürüb və geri qaytarmayıb. Nüsxəni isə həmin qadının qohumlarından biri 2024-cü ildə kitabxanaya təhvil verib.

Maraqlı məqam ondadır ki, hazırda həmin insanları 1919-cu il məzənnəsi ilə 760 dollar, indiki məzənnə ilə isə 14 min dollar məbləğində cərimə gözləyir.

Məlumat üçün bildirək ki, nəşrin üz qabığında kitabın vaxtında qaytarılmayacağı təqdirdə cərimə nəzərdə tutulduğu yazılıb.