Kiyevə ballistik raketlərlə hücum | Dağıntılar arasında reportaj

Ukraynada müharibə davam edir. Baku TV-nin bu ölkədə olan əməkdaşı Mübariz Aslanov Ukraynadan son məlumatları çatdırıb.

O bildirib ki, Kiyev yenidən kütləvi ballistik raket hücumuna məruz qalıb. Paytaxtın əsasən Darniski, Qolosevski və Şevçenkovski rayonlarını əhatə edən hava zərbələrindən xeyli ev zərər görüb.

Kiyev hərbi administrasiyasının sözçüsü Mixail Şamanov Baku TV-nin Şərqi Avropa bürosuna bildirib ki, yaralılar var.

“Düşmən Kiyevə raket zərbələri endirməyə cəhd etdi. Təxminən 1 ay əvvəl 11 noyabrda olan ssenari üzrə - paytaxt istiqamətinə ballistik raketlər uçurdu. Səhər saat 4-də Rusiya ballistik tipli raketlərlə növbəti zərbələr endirdi. Paytaxt istiqamətinə ballistik trayektoriya ilə uçan 8 hədəf hərbi hava qüvvələrimiz tərəfindən məhv edilib. Raketlərin məhv edilməsi zamanı onların qırıqları paytaxtın Darnitsk rayonuna düşüb, nəticədə Bortniçevin 4 mülki vətəndaşı xəsarət alıb. Qoloseyevsk rayonunda da qəlpərin düşməsi ilə bağlı çağırış olub lakin bu təsdiqlənmədi, çağırış yalnış idi”, – deyə o qeyd edib.

Qeyd edək ki, Ukraynanın əksər bölgələrində hava hücumu gözlənilməsi ilə bağlı həyəcan siqnalı davam edir.