Kobaxidze Qurban bayramı münasibətilə müsəlmanları təbrik etdi

Müqəddəs Qurban bayramı qonşu Gürcüstanda da yüksək səviyyədə qeyd olunub.

Belə ki, ölkənin Baş naziri İrakli Kobaxidze Tbilisi Cümə məscidini ziyarət edib, Qurban bayramı münasibətilə müsəlmanlara təbriklərini çatdırıb. O, Gürcüstanın müsəlman icmasının ölkənin qurulması və inkişafına mühüm töhfə verdiyini bildirib.

Tədbirdə dövlət və hökumət rəsmiləri, deputatlar, müsəlman ölkələrin Tbilisidəki diplomatik nümayəndəliklərinin təmsilçiləri və ictimaiyyət nümayəndələri iştirak ediblər.

Gürcüstanın Dini Məsələlər üzrə Dövlət Agentliyinin sədri Zaza Vaşakmadze də müsəlmanları müqəddəs Qurban bayramı münasibətilə təbrik edib.

Gürcüstan Müsəlmanları İdarəsinin sədri Şeyx Hacı Faiq Nəbiyev və Şərqi Gürcüstanın müftisi Etibar Eminov Baş nazir İrakli Kobaxidzeyə diqqətə görə minnətdarlıqlarını bildiriblər. Daha sonra Baş nazir məscidin imamları və din xadimləri ilə görüşüb, onların qayğıları ilə maraqlanıb.