Kobaxidzedən Rusiya və Aİ barədə açıq mesaj | Gürcüstanın məqsədi budur ki...

“Rusiyanın Gürcüstanda keçiriləcək seçkilərə heç bir təsiri yoxdur”.

Bunu Gürcüstanın Baş naziri İrakli Kobaxidze “Euronews” telekanalına müsahibəsində deyib.

O bildirib ki, Rusiyanın Gürcüstanda təsir edə biləcəkləri siyasi partiya yoxdur:

“Media kanalları ilə də onların təsir etmə gücü yoxdur. Ona görə də Rusiya tərəfi mahiyyətcə Gürcüstanda seçkilərə heç cür təsir edə bilməz”.

Müsahibəsi zamanı Baş nazir həmçinin Gürcüstanın Avropaya inteqrasiya məsələsinə də toxunub:

“Gürcüstanın məqsədi 2030-cu ilə qədər Avropa İttifaqına üzv olmaqdır. Ölkəmizin Aİ ilə Assosiasiya Sazişində qeyd edilən öhdəliklərinin 90 faizinin yerinə yetirilməsi, Aİ ilə azad ticarət sazişinin əldə edilməsi üçün iddialı planı var. Gürcüstanın 2030-cu ilədək Aİ-nin tamhüquqlu üzvü olması üçün bütün şərtlər hazır olacaq. Biz bütün istiqamətlərdə ciddi tərəqqi əldə etmişik”.