Köçəryan və Sarkisyanın yeni planı | Ermənistanda gərginlik artır

“Ermənistanın sabiq prezidentləri Serj Sarkisyan və Robert Köçəryan parlament qarşısına çıxmaqdan qorxurlar”.

Bunu Ermənistanın hakim “Vətəndaş Müqaviləsi” partiyasından olan deputat Vaaqn Aleksanyan “Şərəfim var” parlament fraksiyasının Masis şəhərinin meri Davit Ambarsumyanın baş nazirliyə namizəd kimi irəli sürməsi qərarını şərh edərkən deyib.

“Zənn edirəm ki, Serj Sarkisyan və ya Robert Köçəryanın parlament qarşısında dayanmağa cəsarəti və kişiliyi çatacaq. Amma onlar bunu etmirlər. Mən Serj Sarkisyan və Robert Köçəryanı Masis merinin arxasında gizlənməməyə və parlamentə şəxsən gəlmək üçün cəsarət tapmağa çağırıram. Ümid edirəm ki, onlar üçün nə qədər çətin olsa da, o cəsarəti və kişiliyi özlərində tapacaqlar.

Serj Sarkisyan və Robert Köçəryanın qorxuları fərqli təzahürlərə malikdir, gəlin siam əkizlərini bir-birindən ayırmayaq. Onlar parlamentə gəlməkdən qorxurlar. İndi onların hər biri 20-yə yaxın potensial namizəd irəli sürüb, “o budur” deyə bilərlər. Amma o kişiliyi özünüzdə tapın, cənab Serj Sarkisyan və Robert Köçəryan, parlamentə gəlin”, – V.Aleksanyan bildirib.