Konqoda kütləvi etiraz aksiyası | Xalqı yoran səbəblər üzə çıxdı

Konqo Demokratik Respublikasının paytaxtında nümayişçilər ABŞ, Fransa, Uqanda və Kenya səfirlikləri qarşısında etiraz aksiyası keçirib.

Etirazçılar beynəlxalq ictimaiyyətin ölkənin şərqindəki vəziyyətin həllinə daha çox müdaxiləsini tələb ediblər.

Xarici medianın məlumatına görə, bir müddət əvvəl nümayişçilər Ruandanın bu ölkədəki səfirliyinə hücum edərək onu dağıdıblar.

Nümayişçilər Ruandanın şərq əyalətinin paytaxtı Qomanı ələ keçirən “23 Mart Hərəkatı” üsyançılarını dəstəkləyən ölkələrin səfirliklərini hədəfə alıblar.

“Bütün bunlar Ruandaya görədir. Ruandanın Fransa, Belçika, ABŞ və digərləri ilə ortaq iş birliyi Konqo xalqını artıq yorub. Biz neçə dəfə ölməliyik?”, – deyə etirazçılardan biri qeyd edib.

Etirazlar zamanı təkərlərin yandırılması və polisin gözyaşardıcı qazdan istifadə etməsi nümayişləri daha da alovlandırıb. Etirazlar nəticəsində azı 25 nəfər ölüb.

“Bizim qəzəbimizi ifadə etməyə tam haqqımız var, amma gəlin bunu sülh yolu ilə edək”, – deyə təhlükəsizlik əməkdaşlarından biri çağırış edib.