Konqoda virusun qurbanları artır | Hökumət həyəcan təbili çalır

Konqonun şimal-şərqindəki Kiqonze məcburi köçkünlər düşərgəsində may ayının əvvəlindən bəri azı 30 nəfər ölüb, hakimiyyət orqanları Ebola virusunun mümkün yayılmasından ehtiyat edirlər.

"Reuters"in məlumatına görə, düşərgənin və humanitar təşkilatların nümayəndələri sakinlər arasında misli görünməmiş ölüm səviyyəsinin olduğunu bildiriblər.

Onların verdiyi məlumatlara görə, ölənlərdə yüksək hərarət, baş ağrısı və qusma da daxil olmaqla, Ebola virusina xas olan simptomlar müşahidə edilib. Lakin ölümün səbəblərini hələlik təsdiqləmək mümkün olmayıb, çünki xəstələr və onların qohumları son vaxtlara qədər test verməkdən imtina edirdilər.

"Əvvəllər insanlar səbəbsiz yerə ölmürdülər", – deyə düşərgənin mətbuat katibi deyib.

Kiqonze düşərgəsi ölkədə Ebola epidemiyasının episentri hesab edilən Bunia şəhərində yerləşir. Virusun Konqonun şərqindəki 5 milyondan çox məcburi köçkün arasında yayılma ehtimalı faktı da narahatlıq doğurur.