Körfəz ölkələri "maliyyə cənnəti"ni qoruya biləcək? - Baku TV

Yaxın Şərqdə genişlənən hərbi münaqişə regionun iqtisadi sütunlarını sarsıtmağa davam edir. Baku TV-nin "Dünya" xəbər xidmətinin təqdim etdiyi analitik materialda ABŞ-İsrail-İran müharibəsinin Körfəz ölkələrinin onilliklər boyu formalaşdırdığı "maliyyə cənnəti" imicinə və iqtisadi sabitliyinə olan təhdidləri təhlil edilib. 2026-cı ilin mart ayının ortalarından etibarən hərbi əməliyyatların logistik marşrutlara və neft infrastrukturuna yaxınlaşması, BƏƏ, Qətər və Səudiyyə Ərəbistanı kimi ölkələri öz investisiya cəlbediciliyini qorumaq üçün fövqəladə addımlar atmağa sövq edib.

Məlumata əsasən, İranın "Gerçək Vəd 4" əməliyyatı və buna cavab olaraq Pentaqonun hərəkətə keçməsi Körfəz regionunda sığorta xərclərini rekord həddə çatdırıb. Videoda regionun maliyyə mərkəzlərindəki son vəziyyət, xarici investorların təşvişi və Körfəz ölkələrinin neftdən asılılığı azaltmaq üçün qurduqları "Vision 2030" kimi layihələrin müharibə şəraitindəki taleyi əks olunub. Reportajda qeyd edilir ki, İranın "heç bir yer təhlükəsiz deyil" mesajı fonunda mülki infrastrukturun və maliyyə mərkəzlərinin qorunması region dövlətləri üçün bir nömrəli ekzistensial problemə çevrilib.