Kremldən Gürcüstandakı hadisələrə reaksiya | Peskovdan vacib açıqlama

“Rusiya Gürcüstanda baş verənlərə qarışmaq fikrində deyil”.

Bunu Kremlin sözçüsü Dmitri Peskov bildirib.

Onun sözlərinə görə, Gürcüstanda baş verənlər bu ölkənin daxili işidir.

D.Peskov vurğulayıb ki, Gürcüstan hakimiyyəti mövcud vəziyyəti sabitləşdirmək üçün tədbirlər görür.

Ölkədəki hadisələrin Ukrayna “Maydan”ı ilə oxşarlığına diqqət çəkən Rusiya liderinin mətbuat katibi həmçinin bildirib ki, V.Putin Olaf Şolts vasitəsilə Volodimir Zelenskiyə heç bir mesaj göndərməyib.

Onun sözlərinə görə, Kremlin Almaniya Kanslerinin Kiyev səfərindən heç bir gözləntisi yoxdur. Vurğulayıb ki, Almaniya Ukraynanı qeyd-şərtsiz dəstəkləməkdə davam edir, lakin V.Putinlə O.Şolts arasında bir müddət əvvəl baş tutan telefon danışığı müsbət haldır.

D.Peskov eyni zamanda Suriyadakı vəziyyətdən danışıb. Bildirib ki, Rusiya Bəşər Əsədi dəstəkləməyə davam edir.