Krımda dəmir yolunda güclü partlayış

Rusiyanın ilhaq etdiyi Krımın Simferopol şəhərində dəmir yolunda güclü partlayış baş verib. Hadisə nəticəsində taxıl dolu 5 vaqon relsdən çıxıb.

Ukrayna KİV-in yaydığı məlumatlarda bildirilir ki, hadisə mayın 18-i yerli vaxtla səhər saat 08:20-də Simferopolun Baxçasaray rayonunda baş verib. İtkilər və xəsarət alanlar barədə hələ ki məlumat yoxdur.

Qeyd edilib ki, dəmir yolunun Simferopol-Sevastopol hissəsində elektrik qatarlarının hərəkəti müvəqqəti olaraq dayandırılıb.