Pleyeri seçin:
Kuba Prezidenti Trampa cavab verdi
"Kuba 66 ildir ABŞ-nin təzyiqlərinə məruz qalır və müstəqilliyini son damla qanına qədər müdafiə etməyə hazırdır".
Bunu Kuba Prezidenti Migel Dias-Kanel amerikalı həmkarı Donald Trampın açıqlamalarına cavab olaraq bildirib.
"Kuba azad, müstəqil və suveren bir ölkədir. Heç kim bizə nə edəcəyimizi diktə etmir. Kuba hücum etmir. ABŞ 66 ildir ki, ona hücum edir. Kuba təhdid etmir. O, son damla qanına qədər özünü müdafiə etməyə hazırlaşır və hazırdır", – deyə Kuba lideri "X"də yazıb.
O, ABŞ-nin Kubanı heç nəyə görə qınamağa mənəvi haqqı olmadığını vurğulayıb.
Qeyd edək ki, ABŞ lideri Donald Tramp Kubaya gec olmadan Vaşinqtonla əməkdaşlığı tövsiyə edib. Ağ Ev rəhbəri bildirib ki, Kuba bundan sonra heç bir neft və ya pul almayacaq, çünki uzun illər boyu Venesueladan gələn böyük həcmdə neft və pulla yaşayıb.
Kopyalandı
#Kuba Respublikası teqi istifadə olunub
Seçilmişlər
