Lavrovdan Yaxın Şərqlə bağlı kritik açıqlama | İsrail əməliyyatları davam etdirir ki...

“Moskva HƏMAS-İsrail razılaşmalarında problemlərin yarandığına dair siqnallar alır”.

Bunu Rusiya xarici işlər naziri Sergey Lavrov “Valday” Beynəlxalq Diskussiya Klubunun XIV Yaxın Şərq Konfransında bildirib.

“İsrailin hakim dairələrindən müxtəlif fikirlər eşidirik. Onlar deyirlər ki, HƏMAS-ın öz öhdəliklərini yerinə yetirməsi bizi tam qane etmir. Yeri gəlmişkən, İsrail əslində heç utanmadan İordan çayının qərb sahilində hərbi əməliyyatları davam etdirir. Məlumatlara görə, İsrail fələstinliləri Qəzza zolağından qovmaqla yanaşı, həmçinin İordan çayının şimal-qərb sahilinə tam nəzarəti ələ keçirməyi, Livan ərazisində qalmağı da planlaşdırır. Bunu heç kim təkzib etmir. Əlbəttə ki, Suriyanın Qolan yüksəklikləri də bura daxildir. Tramp rəsmi olaraq bu ərazini İsrailin bir hissəsi elan edib. Qolan yüksəkliklərini artıq itirilmiş ərazi hesab etmək olar”, – deyə o qeyd edib.

Sergey Lavrov vurğulayıb ki, Qəzza zolağında atəşkəsə baxmayaraq, zorakılıq hadisələri hələ də davam edir.