Livan İsrail tərəfindən ağır şəkildə bombalandı | Ölənlərin sayı artmaqdadır - Baku TV

İsrail Hərbi Hava Qüvvələri Livanın cənubundakı Nəbatiyyə şəhərini bombalayıb.

Məlumata görə, zərbə yerli administrasiya binasına endirilib. Bu zaman təhlükəsizlik qüvvələrinin azı 8 əməkdaşı ölüb. Ərazidə xilasetmə işləri davam edir və qurbanların sayının artacağı istisna edilmir.

Ümumiyyətlə martın 2-dən indiyədək davam edən hərbi əməliyyatlar zamanı 1400-dən çox “Hizbullah” üzvü zərərsizləşdirilib. Onların arasında təşkilatın elit “Radvan Qüvvələri”nin yüzlərlə silahlısı da var. Bundan əlavə, təxminən 4300 obyekt məhv edilib, 1000-dən çox silah-sursat ələ keçirilib.

İran Livana hücumların dayandırılmasını danışıqların keçirilməsinə tələb kimi irəli sürüb. “Press TV”nin məlumatına görə, İran nümayəndə heyətinin İslamabada səfəri İsrailin Livana hücumlarına görə bir neçə dəfə təxirə salınıb.

Nəşrin yazdığına görə, danışıqların davam etdirilməsi, İsrailin Livana qarşı hərbi əməliyyatların dayanadırılmasından asılıdır.

Bu arada, “Hizbullah” qruplaşmasının rəhbəri Naim Qasem Livan hökumətini İsrailə əvəzsiz güzəştlərə son qoymağa çağırıb.

“Biz əvvəlki vəziyyətə qayıtmağa razılaşmayacağıq və rəsmi şəxsləri əvəzsiz güzəştlərə son qoymağa çağırırıq”, – deyə Naim Qasim bildirib.