Macarlar Ukraynaya dəstək mitinqi keçiriblər

Macarıstanın paytaxtı Budapeştdə siyasi gərginlik pik həddə çatıb. Baku TV-nin "Dünya" xəbərlərinin verdiyi məlumata görə, minlərlə macar Ukraynaya dəstək və Baş nazir Viktor Orbanın rusiyayönümlü siyasətinə etiraz mitinqi keçirib. Aprelin 12-nə təyin edilmiş parlament seçkiləri ərəfəsində baş tutan bu aksiya müxalifət lideri Peter Maqyarın rəhbərliyi ilə "Milli Yürüş" çərçivəsində təşkil olunub.

Məlumata əsasən, nümayişçilər Macarıstanın Avropa ailəsində qalmasını, Ukraynanın suverenliyinin dəstəklənməsini və ölkədə korrupsiya ilə mübarizənin gücləndirilməsini tələb ediblər. Videoda Budapeştin mərkəzi meydanlarına toplaşan kütlənin Ukrayna və Avropa İttifaqı bayraqları dalğalandırması, "Biz Ukrayna müstəmləkəsi deyilik, amma Rusiyanın da qulu olmayacağıq" şüarları yer alır. Ekspertlər qeyd edirlər ki, Drujba neft kəməri ətrafında yaranan krizis və Orbanın Ukraynanı Macarıstanın daxili işlərinə müdaxilədə ittiham etməsi cəmiyyətdə ciddi qütbləşmə yaradıb. Reportajda aksiyanın miqyası, polisin təhlükəsizlik tədbirləri və seçki öncəsi müxalifətin artan reytinqi barədə son detallar şərh olunur.