Mahaçqalada içərisində insanlar olan bina uçdu | Axtarış işlərinə başlanılıb - Baku TV

06 aprel 2026 21 baxış

Mahaçqalada güclü yağışlardan sonra baş verən daşqın səbəbindən çoxmənzilli yaşayış binası uçub. Daha bir neçə binanın da uçma təhlükəsi ilə üzləşdiyi bildirilir.

Qazoprovodnaya küçəsində yerləşən binanın bünövrəsi su ilə yuyulub. Bundan sonra bina çökməyə başlayıb və şahidlərin gözü qarşısında uçub, içəridə insanların olduğu ehtimal edilir.

Fövqəladə Hallar Nazirliyinin əməkdaşları təxliyə və axtarış-xilasetmə işləri aparırlar. Şəhər meriyasından bildirilib ki, azı daha dörd çoxmənzilli yaşayış binasının uçma təhlükəsi var və bu binalardan artıq 300 nəfərə yaxın insan təxliyə olunub.

Mahaçqalada fövqəladə vəziyyət rejimi elan edilib. Prokurorluğun məlumatına görə, yaşayış binasının uçması faktı ilə bağlı yoxlama başlanılıb.

Güclü yağışlar regionda genişmiqyaslı daşqınlara səbəb olub. Dağıstanda 1000-dən çox ev hələ də su altında qalır, o cümlədən Mahaçqala, Dərbənd və Xasavyurt şəhərlərində binalara ziyan dəyib.

#Mahaçqala