AZAL təyyarəsi Bakıya niyə göndərilmədi? - Rusiyalı ekspertdən sensasiyalı açıqlamalar

“Dağıstan rəhbərliyinə sual vermək lazımdır: Mahaçqala Qroznının Ukrayna tərəfindən hücuma məruz qaldığını bildiyi halda, niyə Azərbaycan təyyarəsinə onun səmasından keçməyə icazə verib və eniş etməsinə icazə verməyib?”.

Bunu rusiyalı ekspert Maksim Şevçenko deyib.

O bildirib ki, təyyarə Azərbaycandan səhər saat 6 radələrində havaya qalxıb, həmin vaxt Qroznı əraziləri Ukrayna tərəfindən hava hücumu ilə qarşı-qarşıya idi. Səmada PUA-ların hava döyüşü gedirdi:

“Təbii ki, Ermənilər də sizin ərazilərinizə hücum etdikdə cavab atəşi verirdiniz. Mən düşünürəm ki, Qroznı burada arada qalan bir nöqtə oldu. Mənim etirazım Mahaçqalaya, Kaspiysk Hava Limanınadır. Dispeçerlər nə üçün təyyarəni geri, Bakıya göndərməyib? Hadisə baş verdikdən sonra təyyarə nə üçün Mahaçqalaya eniş edə bilməyib? Əgər bu səhvdirsə, bunu başa düşmək olar. Tarixdə belə hadisələr baş verib”.

Ekspert qəzada həlak olan şəxslərin ailələrinə başsağlığı verib:

“Pilotların peşəkarlığı qarşısında ancaq baş əymək olar. Öz canları bahasına belə bir vəziyyətdə nə etmək olardısa, yüksək səviyyədə öhdəliklərini yerinə yetirdilər. İnsanların bir qismini də olsa, xilas edə biliblər”.