Makron Zelenskiyə şərt qoydu | Müharibədə yeni mərhələ başlayır?

Fransa Prezidenti Emmanuel Makron Ukraynaya döyüş təyyarələri verəcəyini açıqlayıb.

O, bunu ukraynalı həmkarının Fransaya səfəri çərçivəsində edəcəyini bildirib.

“Biz yeni əməkdaşlığa qədəm qoyacağıq. Ukraynaya öz torpağını və xüsusilə də səmasını qorumağına imkan verəcək Fransa istehsalı “Mirage 2000-5” qırıcılarını təhvil verəcəyik. Daha sonra da pilotların təlim proqramı başlayacaq. V.Zelenskiyə təklif edəcəyik ki, pilotlar bu yay təlim keçsinlər. Çünki təlimlər 5-6 ay çəkir. Əgər məşğələlər vaxtında başlasa, ilin sonuna kimi yekunlaşacaq.

Lakin onu da qeyd etmək istəyirəm ki, biz onlara mülki şəxslərə hücum etmək və müharibədəki hədəflərini vurmaq üçün silahlarımızdan istifadə etməyə icazə vermirik. Yalnız və yalnız Rusiyanın zərbələrini zərərsizləşdirmək üçün buna imkan yaradırıq”, – E.Makron qeyd edib.