Markos Perestrellodan Avropaya təcili çağırış | "Moskva sülhə səmimi yanaşmır"

NATO Parlament Assambleyası prezidenti Markos Perestrello gözlənilmədən Ukraynaya səfər edib.

O, Ali Radada brifinq keçirərək mühüm açıqlamalar verib. Markos Perestrello NATO-nu qəti hərəkət etməyə çağırıb.

“Ukraynaya yardım etmək üçün xüsusi fond yaratmışıq. Birincisi, biz Ukraynanın təcili ehtiyaclarını qarşılamağa davam etməliyik. Çünki Rusiya tərəfindən Ukrayna şəhərlərinin bombardmanı hər gün baş verir və mülki ölüm, dağıntılara səbəb olur. İkinci prioritet ABŞ, Avropa ölkələri və Ukraynanın ədalətli, davamlı sülh üçün birlikdə çalışmasıdır. Biz müharibəni sona çatdırmaq üçün ABŞ-nin səylərini dəstəkləyirik. Həmçinin Ukraynanın atəşkəsə hazır olduğunu nümayiş etdirdiyinə görə təqdir edirik. Amma Moskva indiyə qədər sülhə səmimi yanaşmayıb”, ‒ o qeyd edib.

Markos Perestrello həmçinin bildirib ki, Avropa təcili səfərbər olmalı və gözlənilən təhlükəyə cavab verməlidir. Onun sözlərinə görə, Böyük Britaniya və Fransa liderlərinin koalisiya planları tezliklə reallaşmalıdır. Ukraynaya yardım artırılmalıdır.