Marsla bağlı gündəmi silkələyən xəbər | Cəmi bir aya...

23 may 2025 349 baxış

Gələcəkdə içərisində astronavtlar olan kosmik gəmilər Marsa daha tez çata biləcəklər. Bu, yeni nüvə elektrik mühərriki sayəsində mümkün ola bilər. Hazırda bu müddət 7-8 aydır.

Bu barədə "Interesting Engineering" məlumat yayıb.

ABŞ şirkəti "SpaceNukes" innovativ nüvə elektrik mühərriklərinin hazırlanması üçün yeni kosmik layihənin tərəfdaşı olub. NASA tərəfindən dəstəklənən SPAR layihəsinə Miçiqan Universiteti rəhbərlik edir.

Nüvə elektrik mühərrikləri dərin kosmosa missiyaların müddətini, o cümlədən Marsa uçuş vaxtını azaltmaqla yanaşı, kosmik gəmilərin səmərəliliyini artıracaq.

"SpaceNukes"un açıqlamasına görə, belə mühərriklər ənənəvi kimyəvi raket mühərriklərindən 25 dəfə daha səmərəlidir. Bildirilir ki, yeni mühərrik kosmik gəmini saatda 197 950 km sürətə qədər sürətləndirə biləcək.

Beləliklə, Marsa uçuş cəmi 45 gün çəkəcək ki, bu da kimyəvi mühərriklərlə müqayisədə təxminən 6 dəfə daha sürətlidir.

#Mars planeti