Maskdan gözlənilməz etiraf | Milyarderin bu hərəkəti Trampı sevindirdi

Amerikalı iş adamı İlon Mask ABŞ-nin Hökumət Səmərəliliyi Departamentində işinin çox olması səbəbindən Ağ Evdə gecələyir.

Bu barədə yerli mediada məlumat yayılıb.

Xəbəri Maskın özü də təsdiq edərək bildirib ki, DOGE-də görüləcək işlər çox olduğundan Ağ Evdəki ofisində yatır.

ABŞ Prezidenti Tramp isə Maskın və onun bir neçə həmkarının Ağ Evdə gecələdiyini öyrəndikdən sonra onlara təşəkkür məktubu ünvanlayıb.

“Əgər indiki vəzifənizdə qalmağı seçsəniz, Amerika xalqına imkanlarınız daxilində xidmət göstərsəniz, təkmilləşdirilmiş federal işçi qüvvəsinin bir hissəsi kimi sizinlə işləməyə davam etməkdən məmnun olarıq. Hazırda biz sizə vəzifənizin və ya agentliyinizin dəqiqliyi ilə bağlı tam təminat verə bilmərik, lakin vəzifəniz ləğv olunarsa, sizə ləyaqətlə yanaşılacaq və bu vəzifələr üçün nəzərdə tutulan hüquqlarınızın müdafiəsi lazımi qədər təmin ediləcək”, – deyə məktubda qeyd olunub.