Medvedev Ukraynaya mühüm təklif etdi

“Ukraynanın, həqiqətən də, ehtiyacı olan şey sülhə yol aça bilən kapitulyasiyadır. Lakin nə Vaşinqton, nə də Kiyev bunu istəmir”.

Bu fikri Rusiya Federasiyası Təhlükəsizlik Şurasının sədr müavini Dmitri Medvedev öz “Telegram” kanalında bildirib.

“Parçalanmış ölkənin səngərlərindəki əzab çəkən insanlara, həqiqətən də, yalnız təslim olmaq lazımdır ki, bu, bəlkə də, sülhə yol açacaq. Amma nə Vaşinqton, nə də Kiyev sülh istəmir”, – o yazıb.

D.Medvedyev qeyd edib ki, Kiyev əks-hücumunun ət zavodu dayanmadan işləyir və minlərlə bədbəxtləri qırğına göndərir.

“Lakin zavodun işi artıq tükənmiş, tənəzzül mərhələsinə qədəm qoymuş Kiyev rejiminə kömək etməyəcək”, – deyə Təhlükəsizlik Şurasının sədr müavini fikirlərini yekunlaşdırıb.

D.Medvedevin sözündən, dolaşıq və metaforalarla zəngin qeydlərindən belə çıxır ki, müharibədə ölən yalnız ukraynalılardır, rus əsgərlərinə isə heç nə olmur.