Məhkəmə Trampı niyə əngəllədi? - ABŞ Prezidentinin qərarı hamını şoka saldı

30 may 2025 308 baxış

ABŞ Prezidenti Donald Trampın tətbiq etdiyi tariflər Amerika iqtisadiyyatına ən azı 50 milyard dollar gəlir gətirib.

Bunu Ağ Evin Milli İqtisadi Şurasının rəhbəri Kevin Hasset deyib.

"Tariflər tətbiq olunandan bəri biz 50-60 milyard dollar tarif gəliri əldə etmişik. Hər şey tam gözlədiyimiz kimi işləyir və bugünkü qərardan çox məmnunuq", − o, “Foks Nyus”a müsahibəsində bildirib.

K.Hassett qeyd edib ki, ABŞ Federal Beynəlxalq Ticarət Məhkəməsi çərşənbə günü Trampın tarif siyasətinin həyata keçirilməsini əngəlləməklə, digər ölkələrlə ticarət razılaşmalarının qarşısını almağa çalışıb.

Qeyd edək ki, ABŞ Federal Beynəlxalq Ticarət Məhkəməsi Prezident Donald Trampın səlahiyyətlərindən sui-istifadə etdiyini əsas gətirərək onun idxal rüsumları tətbiq etmək qərarını əngəlləyib. Lakin ABŞ Apellyasiya Məhkəməsi tariflərin dondurulması qərarını müvəqqəti olaraq dayandırıb.

#ABŞ